SNAP Specialist Play
Mae’r 1,000 diwrnod cyntaf o fywyd plentyn yn un pwysig i dyfu a datblygu’n ffisegol, hybu datblygiad ymddygiadol, cymdeithasol ac emosiynol.
Mae SNAP yn elusen i blant o dan oed ysgol (a’u rhieni), sydd âg anghenion ychwanegol a chymleth. Bwriad yr elusen yw i gynnig cymorth ymarferol a chreadigol, gan sicrhau “llais” i’r plentyn. Maent yn rhoi cyfle i’r plant leisio eu hanghenion i gyrraedd eu potensial drwy chwarae.
AROS • CHWARAE
'Ro’n i bron a chyrraedd pen fy nhennyn heb gwsg am 18 mis, crio cyson a heb fawr o siarad na chysylltiad ag eraill. Doedd neb yn gwrando arna’ i. Roeddwn wedi cyrraedd pwynt isel iawn o ddim am fod yma rhagor o achos y straen ofnadwy.
SNAP oedd y gefnogaeth gyntaf y cafodd fy merch fach. Rwy’n cofio wylo a thorri fy nghalon yno. Am y tro cyntaf ro’n i’n gwybod ei bod yn ddiogel ac yn cael ei gwarchod gan bobl a oedd yn “deall".
Mae angen cefnogaeth un i un mewn amgylchedd ddiogel ar blant bach âg anableddau. Newidiodd SNAP ein bywydau'
Gwasanaethau
Cynnigwn therapi chwarae dwys â chefnogaeth 1:1 wythnosol i blant ag anghenion ychwanegol a chymleth. Darllen Mwy
Rydym yn cynnal gweithdai i deuluoedd ac anelwn i hwyluso rhwydweithio cymunedol.
Darllen Mwy
Rydym yn cynnal gweithdai ar-lein ac wyneb yn wyneb i rhieni a theuluoedd i ddysgu arwyddiaith sydd yn hwyluso cyfarthrebu gyda’u plant drwy caneuon ac odlau. Darllen Mwy
Tîm Chwarae Arbenigol SNAP
Mae gan ein tîm ymroddgar o leiaf wyth blynedd o brofiad. Rydym oll wedi cael hyfforddiant arbenigol i gefnogi plant ag anghenion addysgu ychwanegol a chymleth. Ry’ ni’n dwli gweithio gyda plant ar raddfa un i un, gan wahaniaethu gweithgareddau sydd yn addas i’r plentyn a’u cam datblygiad.
Mae gan bob aelod o staff SNAP dystysgrif DBS gwell (enhanced), ynghyd â chymhwyster Lefel 3 QCF neu uwch yn Addysg a Datblygiad Gofal Plant. Mae’r staff yn brofiadol ac yn wybodus iawn. Golyga hyn y bydd y plant cael y profiad gorau tra eu bod gyda ni.
Cyfleusterau
Mae gennym ni ddwy ystafell chwarae...
Ystafell Chwarae 1
Tywod, Dŵr, Crefft a Chwarae Blêr, Chwarae Rôl, Cyfrifiadur a gweithgareddau sgiliau cain.
Ystafell Chwarae 2
Ystafell Synhwyraidd/Sensori, Ardal Tawel, Cornel Darllen, Ardal ar y llawr ar gyfer adeiladu a chwarae byd bach.
Cyfraniadau
Mae SNAP yn elusen annibynnol unigryw i Sir Benfro. Rydym yn dibynnu ar gyfraniadau, grantiau a chronfeydd ariannol eraill i gynnal y gwasanaeth unigryw ac amhrisiadwy yma. Os y dymunwch wneud cyfraniad i elusen SNAP, medrwch wneud isod drwy PayPal:
Diolch o galon am eich holl gefnogaeth!
Sut i gyfeirio plentyn at SNAP?
Gan ein bod yn wasanaeth arbenigol, ni all teuluoedd gyfeirio atom ni’n uniongyrchol. Rhaid i’r plant gael eu cyfeirio gan arbenigwyr o faes iechyd yn unig. Os ydych yn meddwl fod angen cyfeirio eich plentyn at SNAP, trafodwch gyda un o’r canlynol:
- Pediatryddion Cymunedol
- Ymwelwyr Iechyd Cymunedol
- Therapydd Iaith a Lleferydd
- Ffysiotherapydd
- Therapydd Galwedigaethol
- Aelod o’r Tim Newydd-Anedig
Os mae eich plentyn wedi eu cyfeirio at SNAP yn barod, a hoffech chi drefnu ymweliad cyn bod eich plentyn yn dechrau, cysylltwch â Cindy Jenkins, Rheolwraig SNAP.
Am fwy o wybodaeth...